БЫЙЫЛ НИНДӘЙ АУЫЛДАР ЮБИЛЕЙҘАРЫН БИЛДӘЛӘЙ?

Сағыу, онотолмаҫ байрамдар, яҡташтарҙың бергә йыйылып, тыуған төйәгендә осрашыуҙары ысын мәғәнәһендә матур йолаға әүерелде. Быйылғы йыл да беҙҙең районда юбилей даталарына бай.
Ғәйнәямаҡ ауыл Советы үҙәге – Ғәйнәямаҡ ауылы быйыл үҙенең 280 йыллығын билдәләйәсәк. Никифар ауыл Советының Балғажы ауылы бер аҙ йәшерәк – уға 260 йәш тула. 210 йәше тулыу айҡанлы тантаналарҙы Ҡыҙыл ауыл Советының Мырҙағол ауылы халҡы уҙғарырға ниәтләй.
Йәнтөйәгенең 150 йыллыҡ юбилейын быйыл Шафран халҡы байрам итәсәк. Быйылғы юбилярҙар исемлегендә иң йәше – Ташлы ауыл биләмәһенең Баязит ауылы. Уға теүәл 100 йыл тула.